भौजी के दीवाना भैया

भैया मने मन मुस्कवात हे

भौजी के मया ह दीवाना बनावत हे

नवा नवा फेसन ला अपनावत हे

जीन्स ला माड़ी भर कटवा के

टी शर्ट संग टसमा घलो लगावत हे

भैया  मने मन मुस्कवात हे

भौजी के मया ह दीवाना बनावत हे

नास्ता के बहाना भौजी ल देखे जावत हे

पूड़ी सब्जी अउ समोसा ला मंगावत हे

तभो ले भैया के मन भौजीच ऊपर जावत हे

भैया मने मन मुस्कवात हे

भौजी के मया ह दीवाना बनावत हे

एक नज़र देखे बर भैया फ़ोटो घलो खिंचवावत हे

भैया ला देख भौजी ह लुकावत हे

भैया मने मन मुस्कवात हे

भौजी के मया ह दीवाना बनावत हे

भैया,संगी ला बतियावत हे

हमर प्रेम ला मत बताहा कहीके समझावत हे

संगी हव्हाट्सएप ग्रुप म सबो ल बतावत हे

अउ दिनु ह भैया के प्रेम ला गांव म फैलावत हे

भैया  मने मन मुस्कवात हे

भौजी के मया ह दीवाना बनावत हे